Ég hef fengið mörg frekar skrítin símtöl í gegnum tíðina þar sem ég hef unnið soldið við að svara í síma. Held að ekkert toppi þetta: Ungur maður hringdi áðan og sagðist vera soldið hræddur. Nú? sagði ég í spurnartón og hann sagði mér að hann hefði lesið það í DV að sjálfstæðisfálkinn væri kominn með fuglaflensuna! Ég hélt fyrst að þetta væri djók, stelpurnar hefðu fengið einhvern til að stríða mér, en vitiði maðurinn var bara ekkert að grínast! Hann sagði að hann yrði að fá að vita þetta því hann væri hræddur. Mér tókst held ég að sannfæra hann um að við hugsuðum vel um fálkann okkar og hefðum á honum miklar gætur.